Арулар әлемі

Бие-бұлттан жылы саумал сауып қыр, Еріді қар, Күн демінен тауып нұр. Елжіреген табиғат, Жаңа жаңбыр жанарынан Жасыл көктем жауып тұр.

Ол кете барды. Бұрылып қарамады да. Өзіндей жанды Жүрегім таба алады ма? Шыныменен-ақ, шынайы махаббат деген «Қарамаулардан осылай жаралады» ма?

Жауын! Жаудың ба? Жып-жылысың. Өзіңсің таңғы бағым, түнгі ырысым. Көктемнің хабаршысы, қуанышы, Тағы да сол көктемнің бір мұңысың.

Көктем, сені көргенде ән салмадым мен. Бұрынғыдай... Қырқаға шығып, құстарды қарсы алмадым мен. Мұным қалай? Кеудемді жарған алғашқы бәйшешек сезім Қыстың ең соңғы кәріне ұрынбағай. Көңілімде сыз.

Есіңде ме? Көктем еді. Көктеп еді бүршіктері талдың да, Қызыл гүлдер қаптап еді шалғында. Құшағына қызыл гүлді толтырып, Сен тұрып ең алдымда.