Арулар әлемі

Гүл сияқтымын... Бөлме гүлі. Топырағым – көзеде. Терезеден телміретінімді, Өзімді-өзім сендіретінімді Күндердің бір күнінде кезігеміз деп, Анау Күнім сезе ме?...

Көп көргеннен сұрармын, Көп белеске шығармын. Кей сұраққа келгенде Күмілжумен тынармын... Көрінгенге ұнармын, Күйінгенде...жылармын... Күлермін... О, Өмір! Мен өзіңе құмармын.

Бұл ән – Менің көз жасым, Сүртілмеген... Бұл ән – Менің жүрегімде қорғасын Бүлкілдеген. Бүлкілдеп тұрмас мәңгі Көшеді бір күн менен. Үніңді қайтсем екен... Үлпілдеген?...

Жүректі тілгілесе пышақтай мұң, Сіз үшін түк емес-ау «ұсақ» қайғым! Өмірді іңкәрлікпен өле сүйген, Мен Сізді ешкімге де ұқсатпаймын.